Revoir Paris
7.06 103 မိနစ်များ အဓိပ္ပာယ်က “ပဲရစ်မြို့ရဲ့ အမှတ်တရများ” တဲ့။ ပဲရစ်မြို့ဆိုတာနဲ့ စိတ်ကူးယဉ်အိပ်မက်မြို့တော်လေးလို့ မြင်ယောင်မိကြလိမ့်မယ်ထင်ပါတယ်။ ဒါပေမဲ့ သူ့ရဲ့အမှတ်တရတွေက ချိုမြိန်တဲ့အမှတ်တရလေးတွေတော့ ဟုတ်မနေခဲ့ဘူး။ အရိပ်လို တကောက်ကောက်လိုက်နေမဲ့ ဆိုးရွားတဲ့အမှတ်တရတွေဖြစ်နေခဲ့တယ်။ ပဲရစ်မြို့လယ်ခေါင်စားသောက်ဆိုင်တစ်ခုမှာ လူပေါင်းများစွာ သေကြေခဲ့ရတဲ့ တိုက်ခိုက်မှုတစ်ခု ဖြစ်ပွားခဲ့ပြီး အသက်ရှင်ကျန်ရစ်သူဆိုတာ လက်နှစ်ဖဝါးစာတောင် မပြည့်တဲ့အရေအတွက်တစ်ခုပါ။ မီရာက အဆိုပါတိုက်ခိုက်မှုကနေ လွတ်မြောက်လာခဲ့ပေမဲ့ သူဘယ်လိုတွေဖြစ်ခဲ့တယ်ဆိုတာကို လုံးဝသတိရခြင်း မရှိတော့ပါဘူး။ တခြားကျန်ရစ်သူတွေပြောတဲ့ အဲဒီညက သူ့အကြောင်းတွေကလည်း လိုက်ကောက်ဖို့မလွယ်တဲ့ ပဟေဠိလေးတွေ ဖြစ်နေခဲ့ပြီး သူ့အတွက်အရာရာဟာ မှုန်ဝါးဝါးပါပဲ။ မီရာတစ်ယောက် သူတိုက်ခိုက်ခံခဲ့ရတဲ့ညကအမှတ်တရတွေကို ပြန်တူးဖော်မိနိုင်မလား ဆိုတာကတော့ “ပဲရစ်မြို့ရဲ့အမှတ်တရများ” ကနေ ဆွဲဆောင်ပြောပြသွားပါလိမ့်မယ်။
